بلی پالنے سے مردانہ کمزوری کا تعلق Pet Cats and Male Impotence

بلی پالنے سے مردانہ کمزوری کا تعلق

پالتو جانوروں کی وجہ سے پید اہونے والے صحت کے مسائل کے بارے میں آپ نے ضرور سن رکھا ہوگا لیکن سائنسدانوں نے یہ کہہ کر ہر کسی کو حیران کردیا ہے کہ بلی جیسا معصوم جانور مردانہ کمزوری کا سبب بن سکتا ہے۔ سائنسی جریدے ’بی ایم جے کیس رپورٹس‘ میں شائع ہونے والی ایک تحقیق میں بیلجیئم سے تعلق رکھنے والے 23 سالہ نوجوان کی بلی کی وجہ سے پیدا ہونے والی مردانہ کمزوری کا کیس تفصیل سے بیان کیا گیا ہے۔

اس نوجوان کو اس کی پالتو بلی نے پنجہ مار کر جلد پر خراش پیدا کر دی تھی لیکن اس کے وہم و گمان میں بھی نہیں تھا کہ اس خراش سے بلی کے جسم پر موجود جراثیم بھی اس کے جسم میں منتقل ہو گئے تھے۔ یہی جراثیم بعد ازاں اس نوجوان کی مردانہ کمزوری کا سبب بن گئے۔ لیور پول یونیورسٹی کے پروفیسر ایلن ریڈ فرڈ کا کہنا ہے کہ پالتو جانوروں سے مردانہ کمزوری کے علاوہ باولے پن، پیٹ کے کیڑوں، مضر صحت بیکٹیریا، جلدی بیماریاں اور دیگر کئی مسائل بھی پیدا ہوسکتے ہیں۔